نکاحِ امِ کلثوم اور مناظرہ کی دعوت

امِ کلثوم نامی لڑکی کا نکاح جناب عمر سے ہوا مگر یہ امِ کلثوم کون تھی اس کا تاریخ میں ذکر اختلافات سے بھرپور ہے مگر نواصب اسے مولا علی (ع) اور بی بی فاطمہ سلام اللہ علیھا کی بیٹی ثابت کرنے کے لئے ایڑی چوٹی کا زور لگا رہے ہیں کہ اور تو کسی طرح فضیلتِ عمر ثابت ہو نہ سکی ایک یہی دلیل رہ گئی جس سے کچھ تھوڑی بہت فضیلت نکل سکتی ہے۔ جبکہ یہ نکاح حقیقت سے زیادہ افسانہ سے قریب تر ہے۔ اس سلسلے میں اہلِ سنت میں بذاتِ خود بہت زیادہ اختلاف پایا جاتا ہے۔ جبکہ شیعہ روایات میں امِ کلثوم کے نکاح کا ذکر تو ملتا ہے مگر اس امِ کلثوم کی ولدیت کا ذکر نہیں اور جن روایات میں ولدیت کے خانے میں حضرت علی (ع) کا نام* آیا ہے اس روایت کے متن میں ہی عجیب و غریب قسم کا اختلاف پایا جاتا ہے جسے قبول کرنا اپنے پیچھے کئی سوالات چھوڑ جاتا ہے۔ چنانچہ ہم ایسی ہی روایات پر بحث کریں گے۔

نا حق چار یار فورم پر فروع کافی کتاب الطلاق کا ایک حوالہ پوسٹ کیا گیا ہے جس کی دو روایتوں کا ترجمہ و تلخیص یہ ہے۔

“ راوی کا بیان ہے کہ میں نے امام (ع) سے پوچھا کہ جس عورت کا شوہر مر جائے وہ عدت وفات کس جگہ گزارے اپنے شوہر کے گھر میں یا جس جگہ چاہے امام نے فرمایا کہ جس جگہ چاہے پھر فرمایا کہ جب عمر مر گیا تو حضرت علی (ع) امِ کلثوم کے پاس آئے اور ہاتھ پکڑ کر اسے گھر لے آئے“

فروع کافی کی اس روایت کے راوی حمید بن زیاد اور ابن سماعۃ ہیں ان دونوں کا تعلق واقفی مذہب سے ہے اور واقفی المذہب کے بارے میں کفر و زنادقہ کی مماثلت بیان کی گئی ہے جیسا کہ مامقانی میں امام علی رضا علیہ اسلام کی ایک حدیث سے پتہ چلتا ہے۔

اس طرح دوسری روایت کا راوی ہشام بن سالم ہے جو فاسد العقیدہ تھا اور اللہ کی صورت مانتا تھا۔ (رجال الکشی)

یہ روایت سلیمان بن خالد سے بھی مروی ہے جو زیدیہ فرقہ سے تھا۔ نجاشی اور شیخ طوسی نے اسے ثقہ تسلیم نہیں کیا ابن داؤد نے اسے ضعیف قرار دیا ہے۔ مقیاس الدرایہ میں زیدی، واقفی اور ناصبی کو ایک ہی منزلت پر کہا گیا ہے۔

اس لحاظ سے بھی یہ روایت ہمارے لئے حجت نہیں رکھتی اور جہاں تک ان روایات کو علامہ مجلسی یا علامہ بھبودی کے صحیح کہنے کا تعلق ہے یا علامہ سید الخوئی کا یہ کہنا کہ "نکاحِ امِ کلثوم درست ہے روایات کی روشنی میں" تو اس سے بھی ہرگز یہ ثابت نہیں ہوتا کہ یہ امِ کلثوم حضرت علی (ع) کی ہی بیٹی ہیں جیسا کہ ہم اوپر روایات کی جرح میں یہ بات بیان کر چُکے۔ لہٰذا ہر دو طرف سے یہ روایت اس بات پر دلالت نہیں کرتی کہ اسے امِ کلثوم بنتِ علی (ع) کے عمر سے نکاح پر حجت مان لیا جائے۔

نا حق چار یاروں کا یہ ٹولہ اس روایت سے یہ ثابت کرنے کی کوشش کر رہا ہے کہ امِ کلثوم بنت علی (ع) کا نکاح عمر سے ہوا۔ جبکہ یہاں کسی جگہ بھی یہ نہیں لکھا گیا کہ یہ امِ کلثوم حضرت علی (ع) کی بیٹی تھیں۔ اس کے علاوہ نکاح کے پورے افسانے کا کوئی ثبوت ہی نہیں ملتا اگر ثبوت موجود ہے تو مہیا کیا جائے۔ جبکہ یہ امِ کلثوم عدت گزارنے کے دوران کہاں گُم رہیں اور اس کے بچے کہاں رہے اس بارے میں بھی تاریخ مکمل خاموش ہے۔ مزید یہ روایت عقل کی روشنی میں بھی غلط ہے کیونکہ امِ کلثوم بنتِ علی (ع) بیوہ عمر (یعنی حضرت علی (ع) کی وہ بیٹی جس کا عمر سے نکاح ہوا) کا دنیا میں وجود ہی نہیں ہے اور اگر کوئی روایت معیارِ عقل پر پوری نہ اترے یعنی وہ حقیقت و عقل کے منافی ہو تو عقل مند لوگ اسے کلامِ امام یا کلامِ رسول (ص) ماننے سے معذور ہیں بلکہ اس کی کوئی صحیح تاویل کی جاتی ہے اور اگر تاویل کے قابل نہ ہو تو اسے راوی کا اشتباہ سمجھ کر چھوڑ دیا جاتا ہے۔ ہاں البتہ یہ امِ کلثوم بیوہ عمر “امِ کلثوم بنتِ ابوبکر“ ہو سکتی ہیں۔ رہی بات یہ کہ جنابِ امیر (ع) امِ کلثوم کو پکڑ کر گھر کیوں لے آئے؟ تو اس بات کا جواب یہ ہے کہ حضرت علی (ع) نے زوجہ ابوبکر اسماء بنتِ عمیس سے نکاح کیا تھا اور اولادِ ابوبکر کے لئے حضرت علی (ع) کا گھر کوئی ممنوعہ علاقہ نہیں تھا۔ جبکہ یہ امِ کلثوم یا تو اسماء بنت عمیس کی حقیقی بیٹی تھی یا سوتیلی تو اگر حضرت علی (ع) اسماء یا اس کے بیٹے محمد بن ابی بکر کی خواہش پر امِ کلثوم کو عدت گزارنے کے لئے گھر لے آئے تو اس سے یہ کہاں ثابت ہوتا ہے کہ یہ حضرت علی(ع) کی حقیقی بیٹی تھی؟ اسماء بنتِ عمیس امِ کلثوم کی حقیقی ماں ہیں اس بارے میں ہم اہلِ سنت کی کتاب “الانوار کما نقل فی شمشیر مسموم“ کے صفحہ 311 کی عبارت نقل کرتے ہیں۔ “ عن احد آئمۃ الھدیٰ ان عمر خطب امِ کلثوم بنت علی فردہ ثم خطب امِ کلثوم بنت ابی بکر ربیبۃ علی فاعتل بصغرھا ارتینھا فبعث بھا امیر المومنین الٰی عمر حاجۃ لہ فاسترناھا عمر وارادان یقبض علی یدھا منہ و ھربت الی امیر المومنین وقالت لقد ادانی ھذا قال وصبر علیھا حتی بلغت مبلغ التزویج فتزوجھا وقال الناس تزوج عمر بن علی و امِ کلثوم اخت ھذا اخت محمد بن ابی بکر لا مد وابیہ“ “آئمہ ہدیٰ سے روایت ہے کہ عمر نے امِ کلثوم بنت علی کا رشتہ مانگا اور جنابِ امیر نے انکار فرمایا اور ٹھکرا دیا پھر عمر نے امِ کلثوم بنتِ ابی بکر کا جو کہ حضرت علی(ع) کی پروردہ تھی جنابِ امیر سے رشتہ مانگا پس آنجناب نے امِ کلثوم بنت ابی بکر کی کم سنی کا عذر پیش کیا۔ عمر نے کہا کہ آپ امِ کلثوم بنت ابی بکر مجھے دکھائیں پس جنابِ امیر نے کسی ضرورت کی وجہ سے امِ کلثوم کو عمر کے پاس بھیجا عمر نے بچی سے کہا میرے قریب آؤ اور عمر نے ارادہ کیا کہ امِ کلثوم کا ہاتھ پکڑ لے امِ کلثوم نے ہاتھ چھڑوا لیا اور جناب امیر کی طرف بھاگ گئی۔ اور شکایت کی کہ اس (عمر) نے مجھے اذیت دی ہے۔ پس عمر کے کچھ مدت صبر کیا حتٰی کہ ابی بکر کی بیٹی شادی کے قابل ہو گئی پس عمر نے اسی امِ کلثوم بنت ابی بکر سے شادی کی اور لوگوں نے کہا کہ عمر نے بنت علی سے شادی کی ہے اور یہ امِ کلثوم جو علی کی بیٹی مشہور ہو گئی یہ محمد بن ابوبکر کی سگی بہن ہے ماں اور باپ کی طرف سے“ اس کے علاوہ کتاب “اعلام النساء جلد 4 صفحہ 250، اور کتاب رحمت العالمین جلد 2 صفحہ 409“ پر بھی اس حقیقت کا اعتراف کیا گیا ہے کہ اسماء بنت عمیس سے ابوبکر کی ایک بیٹی ابوبکر کی وفات سے چند مہینے بعد پیدا ہوئی تھی۔ اور اعلام النساء میں کہا گیا ہے کہ اس کی کنیت امِ کلثوم تھی۔

 

 

 

اب اگر حضرت علی(ع) اپنی ربیبہ بیٹی کو عدت گزارنے اپنے گھر میں اس کی والدہ کے پاس لے آئے تو اس کا مطلب یہ کیسے ہو گیا کہ یہ امِ کلثوم حضرت علی (ع) کی بیٹی تھی؟ نا حق چار یار کے پرستاروں سے یہ سوال ادھار رہا۔

اب ہم اس تھریڈ کو کھول رہے ہیں اگر کسی نے بحث میں حصہ لینا ہو تو خوش آمدید

http://www.shiaforums.com/

Categories: Arabic - العربية , English , images , Urdu - اردو