Таровеҳ, бидъати Умар

Оё дуруст аст, ки намози таровеҳ аз бидъатҳои ҳазрати Умар ибнил Хаттоб аст ва дар замони Пайғамбари Акрам намози таровеҳ байни мусалмонон набудааст, чунончи уламои аҳли суннат ба он ишора кардаанд (Асқалонӣ, Айнӣ, Сарахсӣ).

Далоили бидъат будани таровеҳ:

1.    Оғози таровеҳ аз замони Умар:

ابن الهمام: ظاهر المنقول أن مبدأها من زمن عمر

“Аз зоҳири сухан фаҳмида мешавад, ки ибтидои таровеҳ аз замони Умар аст” (Фатҳул қадир, ҷ.1, саҳ.74).

2.    Пайғамбар реҳлат кард дар ҳолеки мардум таровеҳро бо ҷамоат намехонданд:

فتوفى رسول الله ـ صلى الله عليه و سلّم ـ والناس على ذلك ـ اي على ترك الجماعة فى التراويح.. والمحفوظ أن عمر هو الذي جمع الناس على أبي بن كعب

“Пайғамбари Акрам реҳлат кард дар ҳоле ки мардум таровеҳро ҷамоат намехонданд. Ва ончи ки сабт шуда ин аст, ки Умар ибни Хаттоб мардумро ба таровеҳ ва ба имомати Убай ибни Каъб ҷамъ кард” (Фатҳул бории Ибни Ҳаҷари Асқалонӣ, ҷ.4, саҳ.296).

3.    Дастур бар тарки ҷамоати таровеҳ аст:

الأمر على ذلك ـ يعنى على ترك الجماعة في التراويح. وقوله اني ارى هذا، من اجتهاد عمر و استنباطه

“Пайғамбари Акрам аз дунё рафт дар ҳоле ки таровеҳро ба ҷамоат намехонд” (Умдатул қории Айнӣ, ҷ.11, саҳ.125).

4.    Ин бадъати хубе аст:

نعم البدعة هذه

Бухорӣ аз Абдурраҳмон бин Абдулқорӣ нақл кардааст, ки гуфт: Шабе аз шабҳои Рамазон бо Умар ибни Хаттоб ба масҷид рафтем, мардум мутафарриқ буданд ва ҳар касе ба рости худаш намоз мехонд ва баъзан бо ҷамъе ба намоз машғул буд, Умар чун инро дид гуфт: Ба ақидаи ман агар инҳоро бо як имом гирд оварем беҳтар аст ва дар пайи ин тасмим Убай ибни Каъбро ба имомати ҷамоат гумошт. Шаби дигар ба якҷоя ба масҷид рафтем ва мардум бо ҷамоат намоз мехонданд, Умар гуфт: “Ин бидъати хубе аст” (Саҳеҳ Бухорӣ, ҷ.1, саҳ.342).

Магар Пайғамбари Акрам (саллаллоҳу алайҳи ва олиҳи ва саллам) бидъатгузорро гумроҳ ва аз аҳли дӯзах нахонда аст?

كل بدعة ضلالة وكل ضلالة في النار

“Ҳар бидъате гумроҳӣ ва ҳар гумроҳе аҳли оташ аст” (Субулул салом,ҷ.2, саҳ.1;. Муснади Аҳмад, ҷ.3, саҳ.31).

Ҳол, ки таровеҳ дар замони Пайғамбари Акрам ва халифаи аввал набуда ва худи Умар онро бидъат медонад, мо чӣ исроре бар анҷоми бидъат ва гумроҳӣ ва харидани дӯзах дорем?

Categories: Tajik - Тоҷикӣ